楊卓娜上茶事課被責衣着不恰當 密實冇透視網民勁抗拒踩核突

楊卓娜初時星運平平，不過近年演技屢受讚賞，開始得到觀眾認同；加上楊卓娜私下形象正面，有最強繼母之稱，事業穩步上揚之餘，又將屋企打理得好好；又不時會喺社交平台分享自製嘅精巧糕點。賢淑、蕙質蘭心嘅形象深入民心，亦因為咁非常入屋。

{{hket:inline-image name="124113863_2729515887307626_3432629476241842755_n.jpg"}}{{/hket:inline-image}}

平日嘅楊卓娜經常喺社交平台分享佢嘅日常，粉絲們都勁like。佢今日如常地分享去學習茶藝嘅相片，不過就因為衣着惹嚟好多網民批評。楊卓娜喺IG分享同老師同學嘅合照，留言：「Tommy老師，百忙之中抽空為我們上了一晚精彩的茶事課，獲益良多！」相中楊卓娜身穿一件連身牛仔背心裙，質料非常厚而且相當密實；不過就因為胸前非常sharp醒嘅bra形洗水print引起大家極大反應，大部分仲要係負評！

網民批評佢着呢件衫去學習茶藝呢種場合唔太恰當，有啲網民語氣仲比較重：「呢件衫真係嚇親囉，點解會着得咁奇怪。一時扮中年文青，一時穿成咁，唔會讚你大膽，只覺得肉酸……」楊卓娜都有好用心逐個回應：「乜都試吓，我反而覺得圖案好搞笑。我從來沒有刻意營造自己是文青，我想分享的都是我喜歡的事情。」

又有網民苦口婆心：「件衫好核突。你本身好靚，真心建議你唔好再着成咁！」、「衫設計完全顛覆咗我嘅想像 。你話你着一件透視裝感覺仲好啲。」不過楊卓娜就話如果係透視裝，自己接受唔到。最終佢都一次過回應大家:「其實呢條裙我成日着（平日的casual wear）不過多謝大家意見！我噚日純粹係貪方便，唔想襯衫！是但拎起一件就着！完全冇諗過場合問題，多謝大家嘅善意提醒。」

不過都有網民力撐楊卓娜，指着衫只要自己覺得舒服就好，又話有啲網民思想保守：「這件衣服滿時尚的，很靚。點解有些人會覺得不好，現在可是新世紀新時代喔！」、「件衫好頂癮 !」

同場加映：單對單│黎芷珊原生家庭影響決定不婚 「單身只係生活模式 習慣咗就好」

{{hket:ul-video id="3573"}}{{/hket:ul-video}}

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】